Գվարդիոլա. «Բարսելոնայի» երկրպագու եմ, «Ռեալին» պետք չէ ինձ նման մարզիչ
23:49 28 հոկտեմբերի, 2016Անգլիական «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան գրեթե բացառել է Մադրիդի «Ռեալը» գլխավորելու հավանականությունը:
«Ես «Բարսելոնայի» երկրպագու եմ: Չեմ կարծում, որ «Ռեալին» պետք է այսպիսի մարզիչ: Ես ինքս էլ Մադրիդում չէի հարմարվի»,- «Բարսելոնայի» եւ «Բավարիայի» նախկին գլխավոր մարզիչի խոսքը մեջբերում է Mirror-ը:
«Էվոլյուցիա» գրքի հեղինակ Մարտի Պերանաուն իր գրքում պատմել է, որ նախորդ տարի Մադրիդի «Ռեալը» հետաքրքրված է եղել «Մանչեսթեր Սիթիի» գլխավոր մարզիչ Խոսեպ Գվարդիոլայի ծառայություններով։
Հիշեցնենք, որ Բենիտեսը «Ռեալից» հեռացվել էր 2016-ի հունվարին: Նրան փոխարինել էր Զինեդին Զիդանը։
«Մանչեսթեր Սիթին» Անգլիայի առաջնության 9 տուրից հետո 20 միավորով գլխավորում է մրցաշարային աղյուսակը: 20-ական միավոր ունեն նաեւ «Արսենալն» ու «Լիվերպուլը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։