Daily Mail. Մխիթարյանն ամռանը համաձայնություն է ունեցել «Արսենալի» հետ
23:07 28 հոկտեմբերի, 2016Ֆուտբոլի Հայաստանի ազգային հավաքականի կիսապաշտպան Հենրիխ Մխիթարյանն ամռանը տրանսֆերի համաձայնություն է ունեցել Լոնդոնի «Արսենալի» հետ, սակայն «Մանչեսթեր Յունայթեդը» 7,8 միլիոն եվրո շատ է առաջարկել Դորտմունդի «Բորուսիային», հաղորդում է բրիտանական Daily Mail-ը:
27-ամյա հայ ֆուտբոլիստը նաեւ հավաստիացում է ստացել, որ պորտուգալացի Ժոզե Մոուրինյոյի գլխավորած «Մանչեսթեր Յունայթեդում» ավելի շատ խաղային ժամանակ կստանա, քան ֆրանսիացի Արսեն Վենգերի ղեկավարած «Արսենալում»:
Մխիթարյանը «Մանչեսթեր Յունայթեդում» առայժմ անցկացրել է 104 րոպե, միայն մեկ անգամ է եղել մեկնարկային կազմում:
Անցած մրցաշրջանում Մխիթարյանը 51 խաղում խփել էր 23 գոլ, կատարել 20 գոլային փոխանցում եւ ճանաչվել Բունդեսլիգայի լավագույն խաղացող Գերմանիայի առաջնության ֆուտբոլիստների քվեարկությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։