Ժոզե Մոուրինյոն տուգանվել է
19:21 27 հոկտեմբերի, 2016Անգլիայի ֆուտբոլային ասոցիացիան մրցավարի մասին մեկնաբանության համար պատժել է «Մանչեսթեր Յունայթեդի» գլխավոր մարզիչ Ժոզե Մոուրինյոյին, հաղորդում է BBC-ն:
Պորտուգալացի մասնագետը «Լիվերպուլի» դեմ Անգլիայի Պրեմյեր լիգայի առաջնության հերթական տուրի հանդիպումից (0:0) առաջ ասել էր, որ մանչեսթերյան շրջանում ապրող մրցավար Էնթոնի Թեյլորի համար բարդ կլինի սպասարկել այդ խաղը:
«Կարծում եմ՝ պարոն Թեյլորը լավ մրցավար է, սակայն ինչ-որ մեկը ցանկանում է նրա վրա ճնշում գործադրել: Կարծում եմ՝ նրա համար բարդ կլինի այս հանդիպումը սպասարկելը»,- ասել էր Մոուրինյոն:
Անգլիայի ֆուտբոլային ասոցիացիան պորտուգալացի մասնագետի մեկնաբանությունը որակել է «անհարգալի եւ կազմակերպության կանոններին հակասող»: Տուգանքի չափը չի նշվում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։