Լոնդոնի «Արսենալի» եւ Անգլիայի հավաքականի նախկին ֆուտբոլիստ Փոլ Մերսոնը «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոյին կոչ է արել մեկնարկային կազմ վերադարձնել Հայաստանի հավաքականի կիսապաշտպան Հենրիխ Մխիթարյանին:
«Մոուրինյոն պետք է արագացնի Մխիթարյանի վերադարձը մեկնարկային կազմ: Նա շատ տաղանդավոր է եւ պետք է խաղա: Սա տարօրինակ պատմություն է: Մոուրինյոն ասում է, որ Մխիթարյանը պետք է հավաքի օպտիմալ մարզավիճակ, սակայն նույնիսկ 30 րոպե խաղաժամանակ չի տրամադրում «Ֆեներբահչեի» դեմ: Հենրիխ Մխիթարյանը «Մանչեսթեր Յունայթեդի» լավագույն խաղացողն է»,- Մերսոնի խոսքը մեջբերում է Sky Sports-ը:
Հիշեցնենք, որ 27-ամյա հայ ֆուտբոլիստը խաղադաշտ դուրս չի եկել սեպտեմբերի 10-ից:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։