MLS. «Ռեալ Սոլթ Լեյքը» Յուրա Մովսիսյանի հետ լքեց պայքարը
09:35 27 հոկտեմբերի, 2016«Ռեալ Սոլթ Լեյքը» չհաղթահարեց MLS-ի փլեյ-օֆֆի առաջին փուլի արգելքը:
1/8 եզրափակիչում ամերիկյան ակումբը հանդիպեց «Լոս Անջելես Գելաքսին» եւ, պարտվելով 1:3 հաշվով, լքեց պայքարը: Խաղի բոլոր գոլերը գրանցվեցին առաջին խաղակեսում, իսկ լոսանջելեսցիներից դուբլի հեղինակ դարձավ գանացի հարձակվող Էմանուել Բոատենգը:
Հայաստանի հավաքականից դուրս մնացած Յուրա Մովսիսյանը «Ռեալ Սոլթ Լեյքի» կազմում փոխարինման դուրս եկավ 58-րդ րոպեին: Հաջորդ փուլում «Լոս Անջելես Գելաքսին» կհանդիպի «Կոլորադոյի» հետ:
Հիշեցնենք, որ MLS-ի կանոնավոր առաջնությունում հայ հարձակվողը մասնակցել էր 29 խաղի եւ դարձել 9 գոլի հեղինակ: Վերջերս «Ռեալ Սոլթ Լեյքը» նրա տրանսֆերային իրավունքը գնել էր Մոսկվայի «Սպարտակից»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։