Գվարդիոլա. Մանչեսթերյան դերբին չի կարող լինել անցողիկ հանդիպում, կլինի ճակատամարտ
20:04 25 հոկտեմբերի, 2016«Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան «Մանչեսթեր Յունայթեդի» դեմ Անգլիական լիգայի գավաթի խաղարկության չորրորդ շրջանում ակնկալում է ճակատամարտ:
«Գավաթային խաղին կմասնակցեն մի քանի երիտասարդ ֆուտբոլիստներ: Նրանք վաստակել են այդ իրավունքը: Բացի այդ, նախորդ հանդիպումը բարդ էր, եւ շատ ֆուտբոլիստներ հոգնել են: Այս պահին ես չեմ որոշել մեկնարկային կազմը, սակայն թիմին չի կարողանա օգնել Քեւին Դե Բրույնեն: Նա թեթեւ վնասվածք ունի: Հնարավոր է՝ «Մանչեսթեր Յունայթեդի» դեմ խաղը բաց թողնի նաեւ Պաբլո Սաբալետան: Վենսան Կոմպանին, ամենայն հավանականությամբ, պատրաստ կլինի:
«Մանչեսթեր Յունայթեդը» միշտ ահեղ ուժ է, որի հետ աշխատում է փորձառու մարզիչ: Մանչեսթերյան դերբին չի կարող լինել անցողիկ հանդիպում: Մրցակիցը ֆիզիկապես հրաշալի է պատրաստված, հրաշալի է հակագրոհում: Վստահ եմ, որ կլինի ճակատամարտ»,- Խոսեպ Գվարդիոլայի խոսքը մեջբերում է «Մանչեսթեր Սիթիի» պաշտոնական կայքը:
«Մանչեսթեր Յունայթեդ» - «Մանչեսթեր Սիթի» հանդիպումը տեղի կունենա հոկտեմբերի 26-ին եւ կմեկնարկի Երեւանի ժամանակով 23:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։