Մալայզիայում անցկացվող ծանրամարտի աշխարհի պատանեկան առաջնությունում Հայաստանը նվաճել է երկրորդ մեդալը:
Աղջիկների գերծանր քաշային կարգում (+69 կգ) բրոնզե մեդալակիր է դարձել Արփինե Դալալյանը: Եվրոպայի այս տարվա չեմպիոնը երկամարտում գրանցել է 220 (93+127) կգ արդյունք:
Տղաների գերծանր քաշային կարգում (+94 կգ) Վարազդատ Լալայանը երկամարտի 340 կգ (156+184) արդյունքով գրավել է 5-րդ տեղը:
Նախօրերին Հայաստանից բրոնզե մեդալակիր էր դարձել նաեւ Եվրոպայի պատանեկան չեմպիոն, 17-ամյա Կարեն Ավագյանը, որը երրորդ տեղն էր գրավել 85 կգ քաշայինների պայքարում՝ երկարամարտում գրանցելով 318 կգ (145+173):
Առաջնության մրցավարների թվում է նաեւ ծանրամարտի Հայաստանի հավաքականի գլխավոր մարզիչ, Հայաստանի ծանրամարտի ֆեդերացիայի գլխավոր քարտուղար Փաշիկ Ալավերդյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։