Գեղամ Կադիմյան. Չեմ պատրաստվում հեռանալ «Կարպատներից»
22:11 24 հոկտեմբերի, 2016Ֆուտբոլի Հայաստանի հավաքականի եւ ուկրաինական «Կարպատների» կիսապաշտպան Գեղամ Կադիմյանը մեկնաբանել է լվովյան թիմից հնարավոր հեռանալու մասին լուրերը:
«Զարմացա, երբ կարդացի, թե մտադիր եմ հեռանալ «Կարպատներից»: Որոշ լրատվամիջոցներ գրել են այդ մասին, բայց իրականում այդպես չէ եւ ցանկանում եմ հստակեցնել եւ ասել, որ երջանիկ եմ Լվովում, շնորհակալ եմ երկրպագուներին, ամեն ինչ լավ է ինձ համար «Կարպատներում»: Այժմ ունեմ պայմանագիր ակումբի հետ եւ մտադիր եմ այն կատարել: Նույնիսկ, չեմ մտածում հեռանալու մասին: Այժմ չեմ խաղում Հայաստանի հավաքականի կազմում անցկացրած հանդիպման ժամանակ վնասվածք ստանալու հետեւանքով: Ես չեմ պատրաստվում հեռանալ»,- Գեղամ Կադիմյանի խոսքը մեջբերում է profootball.ua-ը:
Հիշեցնենք, որ Կադիմյանը հրավիրվել է Հայաստանի հավաքական նոյեմբերի 11-ին Երեւանում կայանալիք Չեռնոգորիայի թիմի դեմ աշխարհի առաջնության ընտրական հանդիպմանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։