Մոուրինյոն՝ Կոնտեին. Մի արա դա 4:0-ի ժամանակ, դա նվաստացնող է (ֆոտո)
23:22 23 հոկտեմբերի, 2016«Մանչեսթեր Յունայթեդի» գլխավոր մարզիչ Ժոզե Մոուրինյոն ֆուտբոլի Անգլիայի առաջնության 9-րդ տուրի խաղից հետո նկատողություն է արել «Չելսին» գլխավորող Անտոնիո Կոնտեին, որը շատ բուռն էր տոնել իր թիմի գոլերը եւ երկրպագուներին կոչ էր անում աջակցել լոնդոնցիներին:
«Մի արա դա 4:0 հաշվի ժամանակ. դա նվաստացուցիչ է: 1:0-ի ժամանակ դա նորմալ կլիներ»,- Կոնտեի ականջին ասել է Մոուրինյոն, գրում է Mirror-ը:
Հանդիպումից հետո լրագրողները Կոնտեին ու Մոուրինյոյին հարցրել են, թե ինչ էր ասել պորտուգալացին իր կոլեգային, սակայն 2 մարզիչներն էլ չէին պատասխանել այդ հարցին:
Հիշեցնենք, որ Լոնդոնում կայացած խաղում մանչեսթերցիները պարտվել էին 0:4 հաշվով: Հայաստանի հավաքականի կիսապաշտպան Հենրիխ Մխիթարյանն ազդրի մկանային վնասվածքից հետո դարձյալ չէր ընդգրկվել «Մանչեսթեր Յունայթեդի» հայտացուցակում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։