«Վալենսիայի» ֆանատների վարքը շատ է զայրացրել «Բարսելոնայի» արգենտինացի հարձակվող Լիոնել Մեսիին: Իսպանիայի առաջնության 9-րդ տուրի խաղի ավելացված ժամանակում, երբ Մեսիի իրացրած 11 մետրանոցից հետո հյուրերը տոնում էին հաղթական գոլը, «Վալենսիայի» երկրպագուները ջրով շիշ էին նետել «Բարսելոնայի» ֆուտբոլիստների ուղղությամբ:
Շիշը դիպել էր Լուիս Սուարեսին ու Նեյմարին, որոնք հայտնվել էին խոտածածկին։ Տեսնելով դա՝ Մեսին ինչ-որ բան էր ասել «Վալենսիայի» ֆանատներին: The Mirror-ի համաձայն՝ արգենտինացին անպատվել է երկրպագուներին: «Դուք հազարավոր պոռնիկների զավակներ եք»,- բղավել է Մեսին:
Հիշեցնենք, որ Վալենսիայում կայացած խաղում «Բարսելոնան» Մեսիի դուբլի օգնությամբ հաղթել էր 3։2 հաշվով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։