Շվեյցարական Նիոն քաղաքում անցկացվել է ֆուտզալի Եվրոպայի 2018թ. առաջնության ընտրական փուլի վիճակահանությունը:
Ֆուտզալի Հայաստանի հավաքականն ընդգրկվեց C խմբում, որտեղ կմրցի Լատվիայի, Էստոնիայի եւ Գերմանիայի թիմերի հետ, հայտնում է ՀՖՖ կայքը:
Նախնական փուլի հանդիպումները կկայանան հունվարի 23-ից փետրվարի 1-ը Լատվիայում: Հաջորդ՝ հիմնական փուլի ուղեգիր կնվաճեն միայն խմբերի հաղթողները: Նախնական փուլի արգելքը հաղթահարելու դեպքում Հայաստանի հավաքականը կմրցի Ռումինիայի, Ֆինլանդիայի եւ Պորտուգալիայի հավաքականների հետ: Հանդիպումները տեղի կունենան 2017 թ. ապրիլի 3-12-ը Ռումինիայում: Ինչպես նախնական, այնպես էլ հիմնական փուլի հանդիպումների վերջնական ժամկետները կորոշվեն ավելի ուշ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։