The Sun. «Բարսելոնան» պատրաստ է վաճառել Վիլյային եւ գնել Վան Պերսիին
11:07 7 հուլիսի, 2012Մինչ Լոնդոնի «Արսենալը» ոչ մի կերպ չի կարողանում թիմում պահել Հոլանդիայի հավաքականի 28-ամյա ռմբարկու Ռոբին վան Պերսիին` «Մանչեսթեր Սիթին», «Բարսելոնան» եւ ՊՍԺ-ը շարունակում են հեռակա պայքար մղել ֆուտբոլիստի համար:
«Սիթին» պատրաստ է բանակցությունները սկսել 15 միլիոն ֆունտ ստերլինգից` ակնարկելով, որ գումարը չի կարող գերազանցել 20 միլիոն ֆունտը:
«Բարսելոնան» պատրաստ է վաճառել Դավիդ Վիլյային եւ նրա դիրքի համար գնել Վան Պերսիին: Կատալոնացիներին կարող է օգնել Սեսկ Ֆաբրեգասի մտերմությունը Վան Պերսիի հետ:
Ֆրանսիական ՊՍԺ-ն ունի բոլոր ֆինանսական հնարավորությունները` կատարելու հոլանդացու առավելագույն պահանջները: Միայն թե Վան Պերսին դժվար թե ցանկանա հանդես գալ ֆրանսիական առաջնությունում:
Առայժմ հստակ չէ, թե ինչ ընտրություն կկատարի Վան Պերսին, սակայն անցած մրցաշրջանում 37 գնդակ խփած ֆուտբոլիստը յոթ տարվա սպասումներից հետո վերջապես ցանկանում է լինել մի ակումբում, որը տիտղոսի իրական հավակնություններ կունենա, գրում է The Sun-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։