Թայսոն Ֆյուրին հրաժարվել է WBA եւ WBO տիտղոսներից
14:55 13 հոկտեմբերի, 2016Պրոֆեսիոնալ բռնցքամարտի գերծանր քաշային կարգում WBA եւ WBO վարկածներով աշխարհի չեմպիոն Թայսոն Ֆյուրին (25-0, 18 նոկաուտ) հրաժարվել է այդ կազմակերպությունների տիտղոսներից։
Առաջիկայում բրիտանացի բռնցքամարտիկը կկենտրոնանա բուժումների եւ վերականգնման վրա, հաղորդում է BBC-ն։
Հիշեցնենք, որ օրերս Թայսոն Ֆյուրին հայտարարել էր կարիերան ավարտելու մասին, սակայն ավելի ուշ նշեց, որ կատակել է։ Բրիտանացի բռնցքամարտիկը նախորդ տարվա նոյեմբերին Դյուսելդորֆում կայացած մենամարտում ուկրաինացի Վլադիմիր Կլիչկոյից խլել էր IBF / IBO / WBA / WBO վարկածներով չեմպիոնական գոտիները: Մինչեւ այդ ուկրաինացի չէր պարտվել 11 տարի: Հետագայում IBF-ը վերցրեց Ֆյուրիից տիտղոսը պարտադիր մենամարտի չմասնակցելու համար։
Կլիչկոյի եւ Ֆյուրիի միջեւ ռեւանշ մենամարտը պետք է տեղի ունենար հոկտեմբերի 29-ին Մանչեսթերում, սակայն բրիտանացին հրաժարվել էր: Ավելի ուշ Ֆյուրին հայտարարեց, որ կոկաին է օգտագործել:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։