Ֆուտբոլի Իտալիայի ազգային հավաքականի նախկին գլխավոր մարզիչ Չեզարե Պրանդելին գլխավորել է «Վալենսիան», հայտնում է ակումբի կայքը:
Իտալացի մասնագետն իսպանական ակումբի հետ կնքել է պայմանագիր, որը նախատեսված է մինչեւ 2018-ի ամառը: Մադրիդի «Աթլետիկոյի» դեմ հոկտեմբերի 2-ին կայանալիք խաղին Պրանդելին կհետեւի տրիբունայից, իսկ հաջորդ օրը նա կներկայացվի նոր պաշտոնում:
Չեզարե Պրանդելիի նախորդ աշխատավայրը թուրքական «Գալաթասարայն» էր, որից նա հեռացել էր 2014-ի նոյեմբերին: Ակումբային կարիերայում նա գլխավորել է նաեւ իտալական «Ֆիորենտինան», «Ռոման», «Պարման», «Վենեցիան», «Վերոնան» ու «Լեչեն»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։