Հենրիխ Մխիթարյանը՝ Պրեմյեր լիգան անհաջող սկսած ֆուտբոլիստների խորհրդանշական հավաքականում (ֆոտո)
17:30 30 սեպտեմբերի, 2016Metro-ն կազմել է Անգլիայի Պրեմյեր լիգայի նոր մրցաշրջանն անհաջող սկսած ֆուտբոլիստների խորհրդանշական հավաքականը, որում տեղ է գտել նաեւ «Մանչեսթեր Յունայթեդի» կիսապաշտպան Հենրիխ Մխիթարյանը: Հայաստանի հավաքականի ավագի մասին կայքը գրում է հետեւյալը:
«Բունդեսլիգայից տեղափոխված աստղային նորեկից շատ էին սպասելիքները, որոնք նա դեռ պետք է արդարացնի: Հայ փլեյմեյքերը դեռ տեղ չունի մեկնարկային կազմում նաեւ վնասվածքի պատճառով: Դեռ հայտնի չէ՝ նա կհամապատասխանի Մոուրինյոյի խաղային մոդելին, թե՝ ոչ: Մխիթարյանը պետք է շատ աշխատի, որպեսզի դառնա հիմնական կազմի լիիրավ անդամ, եւ դա Խուան Մատայի, Պոլ Պոգբայի, Ջեսի Լինգարդի ու Մարկուս Ռեշֆորդի հետ մրցակցության պայմաններում»,- գրում է կայքը:
Հիշեցնենք, որ Անգլիայի ընթացիկ առաջնությունում Հենրիխ Մխիթարյանը միայն մեկ խաղ է անցկացրել մեկնարկային կազմում՝ «Մանչեսթեր Սիթիի» հետ դերբիում մասնակցելով առաջին խաղակեսին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։