Տոտի. Նույնիսկ 25 տարեկանում ինձ այսքան լավ չէի զգում
11:14 30 սեպտեմբերի, 2016Հռոմի «Ռոմայի» ավագ Ֆրանչեսկո Տոտին մեկնաբանել է ռումինական «Աստրայի» նկատմամբ հաղթանակը Եվրոպայի լիգայի խմբային մրցաշարի երկրորդ տուրի խաղում: Հռոմում կայացած խաղում «Ռոման» խփել էր 4 անպատասխան գոլ, իսկ իտալացի հարձակվողը դարձել էր 2 գոլային փոխանցման հեղինակ:
«Գոհ ենք խաղից: Մեզ համար կարեւոր էր ցույց տալ բոլորին, թե որքան լավն է մեր թիմը: Ուրախ եմ, որ երկրպագուներն ինձ ճանաչեցին հանդիպման լավագույն ֆուտբոլիստ, սակայն գլխավորը հաղթանակն էր: Առաջին խաղակեսում ես կատակեցի՝ նշելով, որ ինձ այսքան լավ չեմ զգացել նույնիսկ 25 տարեկանում: Դա ճիշտ է: Ես լավ մարզավիճակում եմ, իսկ ոտքերս չեն ցավում նույնիսկ խաղի 90-րդ րոպեից հետո»,- Տոտիի խոսքը մեջբերում է Sky Sport Italia-ն:
Հիշեցնենք, որ Տոտին սեպտեմբերի 27-ին էր նշել ծննդյան 40-րդ տարեդարձը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։