«Մանչեսթեր Յունայթեդի» շվեդ հարձակվող Զլատան Իբրահիմովիչն ուկրաինական «Զարյայի» դեմ Եվրոպայի լիգայի խմբային մրցաշարի երկրորդ տուրի խաղում միակ ու հաղթական գոլի հեղինակ դառնալուց հետո կիսվել է տպավորություններով:
«Ստացվեց բարդ հանդիպում, բայց մենք լավ էինք խաղում եւ ստեղծում գոլային պահեր: Սովորաբար այդպես է լինում, երբ չի հաջողվում միանգամից գոլ խփել, աստիճանաբար ազատ տարածությունները քչանում են: Գլխավորը, որ մենք հաղթեցինք, հատկապես՝ «Ֆեյենորդից» կրած պարտությունից հետո:
Եթե ցանկանում ենք առաջ շարժվել, պետք է հաղթենք, իսկ դա այսօր ստացվեց մեզ մոտ: Ամեն դեպքում, կարող էինք խաղալ ավելի լավ: Ավելին եմ սպասում այս թիմից: Լավ կլինի, եթե հաղթանակը ոգեշնչի մեզ»,- Իբրահիմովիչի խոսքը մեջբերում է BBC Sport-ը:
Հիշեցնենք, որ Հայաստանի հավաքականի կիսապաշտպան Հենրիխ Մխիթարյանը հայտավորված չէր «Զարյայի» դեմ խաղին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։