Կանոնների փոփոխություն հունահռոմեական ըմբշամարտում
20:47 28 սեպտեմբերի, 2016Ըմբշամարտի միջազգային ֆեդերացիան որոշում է ընդունել հունահռոմեական ոճի ըմբշամարտի կանոններում փոփոխություն կատարել: Պասիվության համար այլեւս գոտեմարտը չի ընդհատվի եւ ըմբիշը չի նստեցվի պարտեր դիրք, հաղորդում է կազմակերպության պաշտոնական կայքը:
Այսուհետեւ պասիվության համար ըմբիշը երեք անգամ բանավոր զգուշացում ստանալուց հետո կպատժվի՝ մրցակցին մեկ միավոր շնորհելով: Չորրորդ եւ հաջորդ զգուշացումների ժամանակ մրցավարն առանց պայքարն ընդհատելու կշարունակի մեկական միավոր շնորհել ակտիվ ըմբիշին:
Միջազգային ֆեդերացիայի հաղորդագրությունում նշվում է, որ ազգային ֆեդերացիաներին արդեն տեղեկացվել է այդ մասին, եւ կանոնի փոփոխությունը կգործի բոլոր տարիքային խմբերի մրցումներում:
Այս փոփոխությունը նախորդ 18 ամիսներին կիրառվել է պատանեկան եւ երիտասարդական մրցումներում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։