ՊՍԺ-ի ֆուտբոլիստը դատապարտվել է 2 ամսվա ազատազրկման
15:09 26 սեպտեմբերի, 2016Ֆրանսիական ՊՍԺ-ի կոտդիվուարցի պաշտպան Սերժ Օրյեն դատապարտվել է 2 ամսվա ազատազրկման եւ տուգանվել 2100 եվրո, հայտնում է RMC-ն։
2016 թվականի մայիսին Օրյեն գիշերային ակումբից դուրս գալիս բախվել էր ոստիկանների հետ եւ անպարկեշտ արտահայտություններ արել նրանց հասցեին։ Դրանից հետո ֆուտբոլիստը տեղափոխվել էր ոստիկանական բաժանմունք, որտեղ անցկացրել էր մի քանի ժամ։ Ոստիկաններից մեկը պնդում է, որ Սերժ Օրյեն արմունկով հարվածել էր իր կոկորդին, իսկ ֆուտբոլիստը հերքել էր՝ նշելով, որ ոստիկաններին էին ագրեսիվ վարք դրսեւորել իր հանդեպ։
Ֆրանսիական մամուլի համաձայն՝ պատիժը պայմանական է, եւ կոտդիվուարցի պաշտպանը ստիպված չի լինի 2 ամիս անցկացնել բանտում։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։