Ֆուտբոլային գործակալ Մինո Ռայոլան պատմել է մի դրվագ Ֆրանսիայի հավաքականի կիսապաշտպան Պոլ Պոգբայի տրանսֆերի բանակցության օրերից:
«Ամռանը Իբրահիմովիչն ինձ ասաց, որ ոչ մի դեպքում թույլ չտամ Պոգբային տեղափոխվել «Յուվենտուսից» այլ ակումբ, բացի «Մանչեսթեր Յունայթեդ»: Իբրահիմովիչը սպառնաց ինձ, որ կկոտրի ոտքերս, եթե Պոգբայի տեղափոխությունը «Մանչեսթեր Յունայթեդ» ձախողվի:
Կարծում եմ՝ հիմա Պոգբան դեռ չի գտել իր տեղը «Մանչեսթեր Յունայթեդում»: Նրա համար լավագույնը հարձակողական կիսապաշտպանի դիրքն է, բայց որոշողը Մոուրինյոն է»,- Ռայոլայի խոսքը մեջբերում է Football Italia-ն:
Հիշեցնենք, որ հարձակողական կիսապաշտպանի դիրքում էր հանդես գալիս Դորտմունդի «Բորուսիայում» Հայաստանի հավաքականի կիսապաշտպան Հենրիխ Մխիթարյանը, որը եւս ամռանը տեղափոխվեց «Մանչեսթեր Յունայթեդ»: Հայ ֆուտբոլիստի գործակալը եւս Ռայոլան է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։