Մոուրինյո. Պերեսը ցանկանում էր, որ վերադառնայի «Ռեալ» եւ հեռացնեի Ռամոսին, Պեպեին ու Մարսելոյին
23:37 24 սեպտեմբերի, 2016Իսպանական AS-ը հատված է ներկայացրել The Sun-ի լրագրող Ռոբ Բիսլիի գրքից, որում հեղինակը պատմել է նաեւ «Մանչեսթեր Յունայթեդի» գլխավոր մարզիչ Ժոզե Մոուրինյոյի՝ Մադրիդի «Ռեալում» աշխատանքի մասին:
Պորտուգալացի մասնագետը պատմել է, որ 2015-ին Արքայական ակումբի նախագահ Ֆլորենտինո Պերեսն իրեն առաջարկել է վերադառնալ:
«Նախագահը գնահատում է ինձ: 2015-ին նա ցանկանում էր, որպեսզի եւ վերադառնայի եւ մաքրեի թիմը՝ հեռացնելով Սերխիո Ռամոսին, Պեպեին ու Մարսելոյին: Սակայն ես նրան ասացի, որ արդեն շատ ուշ է:
Գիտեմ, որ Զիդանի թեկնածությունը քննարկվել է նաեւ Բենիտեսի նշանակումից առաջ: Սակայն Պերեսն անհանգստացած էր այն անկարգություններով, որոնք Զիդանը սարքել էր «Կաստիլիայում»: Խոսվում էր նաեւ Յուրգեն Կլոպի մասին»,- ըստ գրքի հեղինակի՝ ասել է Ժոզե Մոուրինյոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։