ՖԻՖԱ. Հայաստանի հավաքականը նահանջել է եւ 112-րդն է
12:40 15 սեպտեմբերի, 2016Ֆուտբոլի միջազգային ֆեդերացիան հրապարակել է ազգային հավաքականների դասակարգման աղյուսակը: Հայաստանի ազգային հավաքականը նահանջել է 10 տեղով եւ 112-րդն է:
Առաջատարը Արգենտինայի հավաքականն է, երկրորդ տեղում է Բելգիան, երրորդ տեղ է բարձրացել Գերմանիան: Տասնյակում են նաեւ Կոլումբիան, Բրազիլիան, Չիլին, Պորտուգալիան, Ֆրանսիան, Ուրուգվայը եւ Ուելսը:
Աշխարհի առաջնության ընտրական մրցաշարում Հայաստանի մրցակիցներից Լեհաստանը 17-րդն է, Ռումինիան՝ 32-ը, Դանիան՝ 46-ը, Ղազախստանը՝ 83-ը, Չեռնոգորիան՝ 105-ը:
Հիշեցնենք, որ Հայաստանի հավաքականն անցած մեկ ամսում 0:3 հաշվով ընկերական խաղում պարտվել է Չեխիային, աշխարհի առաջնության ընտրական խաղում 0:1 հաշվով՝ Դանիային:
ԱԱ-2018-ի ընտրական փուլում Հայաստանի հավաքականը հաջորդ խաղը կանցկացնի հոկտեմբերի 8-ին՝ Երեւանում ընդունելով ռումինացիներին: 3 օր անց Վարուժան Սուքիասյանի գլխավորած թիմը կհյուրընկալվի Լեհաստանի հավաքականին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։