NEWS.am Sport-ը ներկայացնում է Լոնդոնի 30-րդ ամառային Օլիմպիական խաղերում Հայաստանի օլիմպիականներին:
Արթուր Ալեքսանյան, հունահռոմեական ըմբշամարտ
Ծնվել է 1991 թվականին հոկտեմբերի 21-ին:
Ըմբշամարտով սկսել է զբաղվել 2000 թվականից:
Սեւծովյան տարածաշրջանի երկրների պատանելան մրցաշարի երրորդ մրցանակակիր է (2007), երիտասարդների աշ՚խարհի առաջնության հաղթող (2010) եւ բրոնզե մեդալակիր (2009), երիտասարդների Եվրոպայի առաջնությունների արծաթե (2010) եւ բրոնզե մեդալակիր (2009), Եվրոպայի առաջնության արծաթե մեդալակիր (2011), Եվրոպայի չեմպիոն (2012)
Ամուսնացած չէ:
Անհատական մարզիչն է Գեւորգ Ալեքսանյանը:
Հավաքականի մարզիչն է Լեւոն Ջուլֆալակյանը:
Օլիմպիական գորգ է դուրս գալու օգոստոսի 7-ին:
Արթուր Ալեքսանյան
«Օլիմպիական խաղերն էականորեն տարբերվում են մյուս բոլոր մրցաշարերից: Այսօր ընմբիշների միջեւ վարպետության տարբերություն գրեթե չկա: Յուրաքանչյուր քաշային կարգում էլ պայքար է լինելու մեդալների համար եւ համոզված եմ` անզիջում պայքար: Բայց դա ինձ չի վախեցնում: Կարեւոր է սառը գլխով ու վստահ դուրս գալ գորգ ու հաղթանակի մասին մտածելուց բացի ամեն ինչ ամրապնդել գործով: Ուժերիս առավելագույն սահմաններում պայքարելու եմ օլիմպիական մեդալների համար: Սա է հիմնական նպատակը»:
Գեւորգ Ալեքսանյան
«Արթուրը երիտասարդ ըմբիշ է եւ առաջին անգամն է մասնակցելու Օլիմպիական խաղերին: Չնայած այս ամենին նա արդեն իր գոտեմարտերով ապացուցել է, որ կարող է հասնել հաջողության: Շատ կարեւոր է վիճակահանությունը եւ ըմբիշի տրամադրվածությունը: Ինչ-որ տեղ էլ սպորտում պետք է հաջողությունը ժպտա: Նախապատրաստական փուլում մարզիկի համար ամեն ինչ արվել է, որ կարողանա լավ հանդես գալ Լոնդոնում: Հուսանք, որ ամեն ինչ այդպես էլ կլինի»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։