Դավիդ Սիլվա. «Ռեալը» չի հետաքրքրվում իմ ծառայություններով
10:09 5 հուլիսի, 2012Որքանով ես գիտեմ, Մադրիդի «Ռեալը» չի հետաքրքրվում իմ ծառայություններով, հայտարարել է Իսպանիայի ազգային հավաքականի եւ «Մանչեսթեր Սիթիի» կիսապաշտպան Դավիդ Սիլվան:
«Վերջին շրջանում լրատվամիջոցները շատ են գրում իմ տեղափոխության մասին: Ինձ հետ ոչ ոքի չի զրուցել Արքայական ակումբից: Նրանց հետաքրքրության մասին ես ոչինչ չգիտեմ: Ես նոր եմ մեկնել հանգստի եւ ցանկանում եմ վայելել այն»,- 26-ամյա Սիլվայի խոսքը փոխանցում է Marca-ն:
Հիշեցնենք, որ վերջերս «Մանչեսթեր Սիթիի» ղեկավարությունն իսպանացուն առաջարկել է երկու տարով երկարաձգել մինչեւ 2014թ. նախատեսված գործող պայմանագիրը: Պայմանագիրը երկարաձգելու դեպքում Սիլվան կստանա շաբաթական 220 հազար ֆունտ ստերլինգ աշխատավարձ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։