Ուկրաինան 5 միլիարդ դոլար է ծախսել Եվրո-2012-ի անցկացման համար

09:51   5 հուլիսի, 2012

Ֆուտբոլի 2012թ. Եվրոպայի առաջնության անցկացման համար Ուկրաինան ծախսել է մոտ 5 միլիարդ դոլար, եւս մեկ միլիարդ դոլար վերադարձվել է պետական գանձարան: Այդ մասին հայտարարել է Ուկրաինայի փոխվարչապետ Բորիս Կոլեսնիկովը: Նրա խոսքով՝ Եվրո-2012-ի ընթացքում Ուկրաինա է ժամանել 1.8 միլիոն մարդ:

«Ուկրաինա ժամանելու համար մեկ մարդը միջինը ծախսել է մոտ 400 եվրո՝ գումարած մնացած ծախսերը: Եվրո-2012-ը մեզ վերադարձրել է մեկ միլիարդ դոլար, եւ դա այն դեպքում, երբ ընդհանուր ծախսերը կազմել են մոտ հինգ միլիարդ դոլար»,- փոխվարչապետի խոսքը փոխանցում է «Украинская Правда»-ն:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։