Պեկին-2008-ի Օլիմպիական խաղերի ծանրամարտի մրցաշարի բրոնզե մեդալակիր Տիգրան Մարտիրոսյանը որակազրկվել է դոպինգի պատճառով եւ պետք է վերադարձնի մեդալը, հայտնում է Օլիմպիական խաղերի կայքը:
Գյումրեցի ծանրորդի դոպինգ թեստի վերստուգման արդյունքում հայտնաբերվել է ստանոզոլոլ ու եւս մեկ արգելված խթանիչ: Տիգրան Մարտիրոսյանը Պեկինում բրոնզե մեդալ էր նվաճել 69 կգ քաշային կարգում:
Օլիմպիական խաղերի կայքում հրապարակած հայտարարությունում ասվում է, որ ՀԱՕԿ-ը պետք է վերադարձնի Տիգրան Մարտիրոսյանի մեդալը:
Հիշեցնենք, որ դոպինգի պատճառով Մարտիրոսյանը բաց թողեց նաեւ Ռիո դե Ժանեյրոյում անցկացված 31-րդ ամառային Օլիմպիական խաղերը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։