Խորվաթ Իվո Կարլովիչը US Open-ի մեկ մրցախաղի էյսերի ռեկորդ է սահմանել: Նյու Յորքում մեկնարկած թենիսի ԱՄՆ-ի բաց առաջնության առաջին շրջանում նա 61 էյսի հեղինակ է դարձել թայվանցի Էն-Հսուն Լուի դեմ մրցախաղում, որում հաղթել է 5 սեթում (4:6, 7:6, 6:7, 7:6, 7:5):
US Open-ի էսյերի նախորդ ռեկորդը պատկանում էր Ռիխարդ Կրայչեկին, որը 1999-ին 49 էյս էր կատարել Եվգենի Կաֆելնիկովի դեմ մրցախաղում, գրում է АТP-ի կայքը:
US Open-ից առաջ Իվո Կարլովիչն առաջատար էր այս մրցաշրջանում էյսերի ցուցանիշով: Այս մրցաշրջանի 38 մրցախաղերում նա դարձել է 774 էյսի հեղինակ: Կարիերայի ընթացքում խորվաթ թենիսիստը գրանցել է 11 277 էյս, ինչը ռեկորդային ցուցանիշ է պատմության մեջ: US Open-ի երկրորդ շրջանում նա կխաղա ամերիկացի Դոնալդ Յանգի հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։