«Բարսելոնան» 30 միլիոն եվրոյով գնեց Ալկասերին

17:12   30 օգոստոսի, 2016

Իսպանիայի չեմպիոն «Բարսելոնան» հայտարարել է «Վալենսիայի» հարձակվող Պակո Ալկասերին գնելու մասին: Կողմերը կնքել են հինգ տարվա պայմանագիր: 23-ամյա ֆուտբոլիստի տրանսֆերի համար կատալոնական ակումբը վճարել է 30 միլիոն եվրո: Ալկասերի տրանսֆերային արժեքը պայմանագրում ամրագրվել է 100 միլիոն եվրո:

«Վալենսիայի» ղեկավարությունն ու մարզչական շտաբը դեմ էին Ալկասերի տեղափոխությանը, սակայն ֆուտբոլիստը հրաժարվել է մնալ «Վալենսիայում»:

Իսպանիայի անցած առաջնության 34 հանդիպումներում Ալկասերը խփել է 13 գոլ, կատարել է 6 գոլային փոխանցում:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։