Մոուրինյոն ու Ռեդնապը՝ Մխիթարյանի մասին
20:42 29 օգոստոսի, 2016«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինոյն գոհ է «Հալ Սիթիի» դեմ Անգլիայի առաջնության երրորդ տուրի խաղում Հայաստանի հավաքականի կիսապաշտպան Հենրիխ Մխիթարյանի խաղից, հաղորդում է Daily Star-ը:
«Գոհ եմ Մխիթարյանի խաղից: Նա գերազանց իրեն դրսեւորեց եւ մեծ ներդրում ունեցավ թիմի հաղթանակում: Ես դեռ կապացուցեմ աշխարհին, թե ինչ հրաշալի խաղացողի եմ ձեռք բերել»,- ասել է Մոուրինյոն:
27-ամյա հայ ֆուտբոլիստին գովել է նաեւ Անգլիայի հավաքականի նախկին խաղացող Ջեյմի Ռեդնապը:
«Բոլոր ծափահարությունները բաժին հասան Ռեշֆորդին, սակայն ինձ տպավորեց Հենրիխ Մխիթարյանի դրվագային դերակատարությունն այդ խաղում»,- նշել է Ռեդնապը:
Հիշեցնենք, որ Մխիթարյանը փոխարինման էր դուրս եկել 60-րդ րոպեին: «Մանչեսթեր Յունայթեդը» հաղթեց Ռեշֆորդի միակ գոլի շնորհիվ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։