Մոուրինյո. Վերջնամասում հաղթանակ կորզելն այլ հաճույք է
00:25 28 օգոստոսի, 2016«Մանչեսթեր Յունայթեդի» գլխավոր մարզիչ Ժոզե Մոուրինյոն մեկնաբանել է «Հալ Սիթիի» նկատմամբ արտագնա հաղթանակը Պրեմյեր լիգայի երրորդ տուրում:
«Մենք արժանի էինք ավելի հանգիստ ու վստահ հաղթանակի: Մյուս կողմից, վերջնամասում հաղթանակ կորզելն այլ հաճույք է: Երկրորդ խաղակեսում կարծես պայքարեինք պատի դեմ: Մեր թիմն ունի զարմանալի մտածելակերպ, պայքարեցինք մինչեւ վերջ եւ հասանք մեր ուզածին:
Ամեն օր իմ խաղացողներին ասում եմ, որ պետք է խաղադաշտ դուրս գալ միայն հաղթանակի ձգտումով: Հասկանում ենք, որ կլինեն նաեւ պարտություններ, սակայն միշտ պետք է տրամադրվել հաղթանակի: Մենք ցանկանում ենք չեմպիոն դառնալ: Չենք ցանկանում մրցաշրջանը սկսել լավ, այլ ցանկանում ենք լավ ավարտել այն:
Ինչ վերաբերում է Մարկուս Ռեշֆորդին, նա կունենա շատ հնարավորություններ: Նա նոր խնդիրներ է առաջացնում մրցակիցների համար, եւ շատ ուրախ եմ նրա համար»,- Մոուրինյոյի խոսքը մեջբերում է BBC-ն:
Հիշեցնենք, որ «Մանչեսթեր Յունայթեդի» հաղթական գոլն ավելացված ժամանակում խփել էր փոխարինման դուրս եկած անգլիացի 18-ամյա հարձակվող Մարկուս Ռեշֆորդը, իսկ Հայաստանի հավաքականի կիսապաշտպան Հենրիխ Մխիթարյանը փոխարինման էր դուրս եկել 60-րդ րոպեին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։