«Բարսելոնան» պաշտոնապես հայտարարել է Ամստերդամի «Այաքսի» հոլանդացի դարպասապահ Յասպեր Սիլեսենի տեղափոխության մասին:
Օգոստոսի 25-ին Հոլանդիայի հավաքականի 27-ամյա ֆուտբոլիստը բուժզննում է անցել կատալոնական ակումբում, որը նրան կներկայացնի վաղը: Սիլեսենի պայմանագիրը նախատեսված է 5 տարով, իսկ տրանսֆերը կազմել է 13 միլիոն եվրո՝ գումարած 2 միլիոն բոնուսներ:
«Բարսելոնայում» Սիլեսենը կփոխարինի չիլիացի դարպասապահ Կլաուդիո Բրավոյին, որը տեղափոխվում է անգլիական «Մանչեսթեր Սիթի»: Դարպասապահը 2011-ին հոլանդական ՆԵԿ-ից էր տեղափոխվել «Այաքս»: Հոլանդիայի հավաքականի կազմում նա խաղում է 2013-ից եւ անցկացրել է 30 հանդիպում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։