Ռիոյի Օլիմպիական խաղերում բրոնզե մեդալի համար գոտեմարտում պարտություն կրած ռուսաստանցի ըմբիշ Իննա Տրաժուկովան հայտարարել է, որ չի ընդունում Ռուսաստանի ըմբշամարտի ֆեդերացիայի նախագահ Միխայիլ Մամիաշվիլիի ներողությունը:
«Ես կարդացի լրատվամիջոցներում, որ Մամիաշվիլին հրապարակայնորեն ներողություն է խնդրել ինձնից, սակայն նա չի նշել, որ ներողություն է խնդրում ինձ հարվածելու եւ ինձ հայրենիքի դավաճանության մեջ մեղադրելու համար: Բացի այդ, նա անձամբ ինձնից ներողություն չի խնդրել: Մամուլի ասուլիսում նա ասել է, թե մենք դեռ հազար անգամ կողջագուրվենք, բայց ես չեմ պատրաստվում դա անել նրա արարքներից հետո: Հանդիպել եմ սպորտի նախարար Մուտկոյի հետ, պատմել եմ, թե ինչ է տեղի ունեցել: Սպորտի նախարարն աջակցում է ինձ»,- Տրաժուկովայի խոսքը մեջբերում է Sport-express-ը:
Մարզուհին Ռիոյում հայտարարել է, որ իրեն հարվածելու եւ անպատվելու համար դատի է տալու Մամիաշվիլիին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։