Ռայոլան Բալոտելիի ծառայություններն առաջարկել է «Մանչեսթեր Յունայթեդին»
19:46 24 օգոստոսի, 2016Իտալացի ֆուտբոլիստ Մարիո Բալոտելիի գործակալ Մինո Ռայոլան ջանք է գործադրում մինչեւ տրանսֆերային պատուհանի փակվելը լուծել իր հաճախորդի զբաղվածության հարցը: Բալոտելիի տրանսֆերային իրավունքը պատկանում է «Լիվերպուլին», սակայն անգլիական թիմի գերմանացի գլխավոր մարզիչ Յուրգեն Կլոպը հետաքրքրված չէ նրա ծառայություններով:
Ռայոլան ու ֆուտբոլիստը ցանկանում են նոր ակումբ գտնել Անգլիայի Պրեմյեր լիգայում: Ռայոլան բանակցել է «Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոյի հետ՝ առաջարկելով Բալոտելիի ծառայությունները, հաղորդում է gazzamercato-ն: Բանակցություններ են ընթանում նաեւ «Էվերտոնի» հետ:
Ռայոլայի ֆուտբոլիստներից արդեն «Մանչեսթեր Յունայթեդում» են Հենրիխ Մխիթարյանը, Պոլ Պոգբան եւ Զլատան Իբրահիմովիչը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։