Մամիաշվիլի. Հազար անգամ պատրաստ եմ ներողություն խնդրել Տրաժուկովայից
19:07 24 օգոստոսի, 2016Ռուսաստանի ըմբշամարտի ֆեդերացիայի նախագահ Միխայիլ Մամիաշվիլին մեկնաբանել է Ռիոյի Օլիմպիական խաղերի մասնակից Իննա Տրաժուկովայի մեղադրանքները: Կանանց Ռուսաստանի հավաքականի ըմբիշը բրոնզե մեդալի տանուլ տված գոտեմարտից հետո հայտարարել էր, որ ֆեդերացիայի նախագահը հարվածել է իրեն:
«Հարվածե՞լ եմ մարզուհուն: Ամեն ինչ եղել է այդպես, բայց ամեն ինչ եղել է ոչ այդպես: Ես դա չեմ համարում լուրջ կոնֆլիկտ: Հազար անգամ պատրաստ եմ ներողություն խնդրել Իննայից եւ մեր ամբողջ թիմից: Սակայն մարզիկը չի կարող թուլակամ եւ անտարբեր լինել: Կարծում եմ՝ կանցնի որոշակի ժամանակ, եւ իմ ներողությունը կընդունվի»,- Մամիաշվիլիի խոսքը մեջբերում է Championat-ը:
Միջադեպից հետո Իննա Տրաժուկովան հայտարարել էր, որ դիմելու է դատախազություն եւ պատասխանատվության է կանչելու Մամիաշվիլիին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։