Բաստիան Շվայնշտայգեր. «Մանչեսթեր Յունայթեդը» կլինի իմ վերջին ակումբը Եվրոպայում
18:12 24 օգոստոսի, 2016Անգլիական «Մանչեսթեր Յունայթեդի» գերմանացի կիսապաշտպան Բաստիան Շվայնշտայգերը հայտարարել է, որ կարիերան չի շարունակի որեւէ այլ եվրոպական ակումբում՝ ակնարկելով տեղափոխությունը ՄԼՍ կամ Ասիա:
«Ես հարգում եմ մյուս ակումբները, սակայն միայն հանուն «Մանչեսթեր Յունայթեդի» կարող էի լքել «Բավարիան»: «Մանչեսթեր Յունայթեդը» կլինի իմ վերջին ակումբը Եվրոպայում: Եթե իմ օգնությունը պահանջվի, ես պատրաստ եմ դուրս գալ խաղադաշտ: Ստեղծված իրավիճակում ավելացնելու ոչինչ չունեմ: Շնորհակալ եմ երկրպագուներին նախորդ շաբաթների ընթացքում ցուցաբերած հսկայական աջակցության համար»,- Թվիթերում գրել է 32-ամյա ֆուտբոլիստը:
«Մանչեսթեր Յունայթեդի» պորտուգալացի գլխավոր մարզիչ Ժոզե Մոուրինյոն չի ցանկանում Շվայնշտայգերին տեսնել թիմում եւ թույլ չի տալիս նրան մարզվել գլխավոր թիմի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։