Չեմպիոնների լիգայի հաղթող Մադրիդի «Ռեալի» եւ Եվրոպայի չեմպիոն Պորտուգալիայի հավաքականի առաջատար Կրիշտիանու Ռոնալդուն օգոստոսի 25-ին Մոնակոյում ներկա կլինի Եվրոպայի լավագույն ֆուտբոլիստի մրցանակաբաշխությանը: Նա մրցանակի երեք հավակնորդներից մեկն է: Մոնակոյում տեղի կունենա նաեւ Չեմպիոնների լիգայի խմբային մրցաշարի վիճակահանությունը:
«Ինձ համար մեծ պատիվ է մասնակցել այդ արարողությանը: Դա խոսում է այն մասին, որ կատարվել է անհատական եւ կոլեկտիվ հսկայական աշխատանք: «Ռեալի» հետ մենք նվաճեցինք Չեմպիոնների լիգայի գավաթը: Դա հրաշալի պահ էր ինձ համար:
«Ռեալի» հաջողությունները հնարավոր չէին լինի առանց Զինեդին Զիդանի: Նրա հետ «Ռեալը» սկսեց ավելի լավ խաղալ: Մենք վատ մեկնարկեցինք անցած մրցաշրջանում, սակայն լավ ավարտեցինք»,- Ռոնալդուի խոսքը մեջբերում է AS-ը:
Եվրոպայի լավագույն ֆուտբոլիստի մրցանակին հավակնում են նաեւ «Ռեալի» ուելսցի կիսապաշտպան Գարեթ Բեյլը եւ Մադրիդի «Աթլետիկոյի» ֆրանսիացի հարձակվող Անտուան Գրիզմանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։