Իսպանիայի չեմպիոն «Բարսելոնան» տիտղոսի պաշտպանությունը սկսեց տպավորիչ խաղով: Պրիմերայի առաջին տուրում կատալոնական ակումբն ընդունեց «Բետիսին» եւ առավելության հասավ 6:2 հաշվով:
Անցած առաջնության լավագույն ռմբարկու Լուիս Սուարեսն արդեն առաջին խաղում դարձավ հեթ-տրիկի հեղինակ: Երկու անգամ էլ աչքի ընկավ «Ոսկե գնդակի» հնգակի դափնեկիր Լիոնել Մեսին: Մրցակցի դարպասը գրավեց նաեւ Արդա Թուրանը:
Հյուրերը Ռուբեն Կաստրոյի դուբլի շնորհիվ երկու անգամ ստիպեցին «Բարսելոնային» խաղը վերսկսել կենտրոնից:
Այս խաղը վերջինն էր «Բարսելոնայում» դարպասապահ Կլաուդիո Բրավոյի համար, որը կարիերան կշարունակի անգլիական «Մանչեսթեր Սիթիում»:
Մադրիդի «Ռեալը» օգոստոսի 21-ին կհյուրընկալվի «Ռեալ Սոսյեդադին»: Հանդիպումը կմեկնարկի Երեւանի ժամանակով 22:15-ին:
Իսպանիայի առաջնություն, առաջին տուր
«Բարսելոնա» - «Բետիս»՝ 6:2
Արդա Թուրան, 6, Լիոնել Մեսի, 37, 57, Լուիս Սուարես, 42, 56, 82 - Ռուբեն Կաստրո, 21, 84
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։