Վրաստանի հավաքականի կիսապաշտպանը տեղափոխվեց «Սեւիլիա»

19:09   19 օգոստոսի, 2016

Ֆուտբոլի Վրաստանի հավաքականի կիսապաշտպան Գեորգի Աբուրջանիան կարիերան կշարունակի «Սեւիլիայում», հաղորդում է իսպանական ակումբի մամուլի ծառայությունը: 21-ամյա ֆուտբոլիստը հանդես էր գալիս իսպանական «Խիմնաստիկում»:

Ոչ պաշտոնական տվյալներով, ֆուտբոլիստի տրանսֆերի համար «Սեւիլիան» վճարել է 1,5 միլիոն եվրո՝ կնքելով չորս տարվա պայմանագիր: Առաջիկա մրցաշրջանում Աբուրջանիան կխաղա «Սեւիլիայի» երկրորդ թիմում:

Վրացի ֆուտբոլիստը 2016-ի ձմռանն էր Կիպրոսի «Անորտոսիսից» տեղափոխվել «Խիմնաստիկ» եւ 16 խաղում խփել է 2 գոլ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։