Իտալացի ֆուտբոլային գործակալ Մինո Ռայոլան սկսել է ծախսել այս տրանսֆերային պատուհանի ժամանակ անգլիական «Մանչեսթեր Յունայթեդից» ստացած գումարները:
101greatgoals.com-ի համաձայն՝ Ռայոլան 7 միլիոն ֆունտ ստերլինգով առանձնատուն է գնել Ֆլորիդայում: Այդ առանձնատունը նախկինում պատկանել է ամերիկացի հռչակավոր գանգստեր Ալ Կապոնեին:
Հիշեցնենք, որ այս ամռանը Մինո Ռայոլան էր կազմակերպել Հենրիխ Մխիթարյանի, Զլատան Իբրահիմովիչի ու Պոլ Պոգբայի տեղափոխությունները «Մանչեսթեր Յունայթեդ»: Միայն Պոգբայի տրանսֆերից նա ստացել էր 25 միլիոն եվրո: Ֆրանսիայի հավաքականի 23-ամյա կիսապաշտպանին ձեռք բերելու համար անգլիական ակումբը Թուրինի «Յուվենտուսին» կվճարի 105 միլիոն եվրո, ինչը կլինի ֆուտբոլի պատմության ամենաթանկ տրանսֆերը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։