Զլատան Իբրահիմովիչ. Նոր թիմակիցներս բարձրակարգ խաղացողներ են
13:32 30 հուլիսի, 2016Անգլիական «Մանչեսթեր Յունայթեդի» նորեկ Զլատան Իբրահիմովիչը պատմել է նոր թիմում առաջին մարզումներից ստացած տպավորությունների մասին:
«Նոր թիմում մարզումները դրական լիցքեր են հաղորդում ինձ: Նոր թիմակիցներս լավ տղաներ են, բարձրակարգ խաղացողներ են: Նրանք շատ կենտրոնացած են մարզումների վրա: Մարզիչը միշտ հստակ եւ ուղիղ ասում է, թե ինչ է ակնկալում մեզնից, եւ խաղացողները հարմարվում են նրա պահանջներին: Տպավորություններս միայն դրական են:
Հաջողությունների հասնելու գրավականն ինձ համար միայն ծանր մարզումներն են: Մարզումներիդ որակն անդրադառնում են խաղերի վրա: Դա է իմ փիլիսոփայությունը ֆուտբոլում»,- շվեդ հարձակվողի խոսքը մեջբերում է «Մանչեսթեր Յունայթեդի» պաշտոնական կայքը:
Հուլիսի 30-ին «Մանչեսթեր Յունայթեդը» Շվեդիայում ընկերական հանդիպում կանցկացնի թուրքական «Գալաթասարայի» հետ: Խաղը կմեկնարկի Երեւանի ժամանակով 21:30-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։