Մոուրինյոն վերադարձրել է մեզ հաղթողի հոգեբանություն, նրա գլխավորությամբ մարզումները հաճույք են պատճառում, ասել է «Մանչեսթեր Յունայթեդի» եւ Անգլիայի հավաքականի հարձակվող Ուեյն Ռունին թիմի նոր գլխավոր մարզիչի մասին:
«Միշտ հրաշալի է սկսել աշխատանքը նոր մարզիչի հետ, հատկապես, եթե այդ մարզիչը Մոուրինյոն է: Մենք շատ ենք աշխատում, որպեսզի լավ հանդես գանք նոր մրցաշրջանում, որը շատ կարեւոր է լինելու մեր ակումբի համար: Կարծում եմ՝ Մոուրինյոն հրավիրել է մի քանի հրաշալի նորեկների: «Մանչեսթեր Յունայթեդը» պետք է միշտ հաղթի: Խաղացողների վրա հիմա կա ընդհանուր ճնշում, բայց մենք պատրաստ ենք: Կարծում եմ՝ նոր մրցաշրջանում բոլոր մրցաշարերում կպայքարենք տիտղոսների համար»,- Ռունիի խոսքը մեջբերում է Goal.com-ը:
Հուլիսի 30-ին «Մանչեսթեր Յունայթեդը» Շվեդիայում ընկերական հանդիպում կանցկացնի թուրքական «Գալաթասարայի» հետ: Խաղը կմեկնարկի Երեւանի ժամանակով 21:30-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։