Անգլիական «Լիվերպուլի» գերմանացի գլխավոր մարզիչ Յուրգեն Կլոպը հայտարարել է, որ դեմ է մեկ ֆուտբոլիստի համար 100 միլիոն ֆունտ ստերլինգ վճարելուն:
«Ֆուտբոլը թիմային խաղ է: Միշտ էլ ցանկալի է թիմում ունենալ լավագույն ֆուտբոլիստներին, բայց հաջողության համար անհրաժեշտ է աստիճանաբար կառուցել կոլեկտիվը: Մյուս ակումբները ծախսում են հսկայական գումարներ, գնում են բարձրակարգ խաղացողների: Ես ցանկանում եմ այլ ճանապարհով շարժվել: Եթե նույնիսկ լինեին այդ գումարները, միեւնույն է՝ ես ամեն ինչ այլ մեթոդներով կանեի»,- Յուրգեն Կլոպի խոսքը մեջբերում է Goal.com-ը:
Սպասվում է, որ առաջիկա օրերին տեղի կունենա ֆրանսիացի կիսապաշտպան Պոլ Պոգբայի տեղափոխությունը Թուրինի «Յուվենտուսից» «Մանչեսթեր Յունայթեդ»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։