Հենրիխ Մխիթարյան. Իմ երազանքը միշտ եղել է Պրեմյեր լիգայում խաղալը
15:24 27 հուլիսի, 2016Անգլիական «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը խոստովանել է, որ մանկուց երազել է Անգլիայի Պրեմյեր լիգայում խաղալը:
«Իմ երազանքը միշտ եղել է Պրեմյեր լիգայում խաղալը: Եվ վերջապես ես կատարեցի իմ երազանցը: Այժմ շատ ուրախ եմ խաղալ այս մարզաշապիկով: «Մանչեսթեր Յունայթեդը» եղել է թիմերից մեկը, որին երկրպագել եմ մանկությանս տարիներին: Երազանք է այսպիսի մեծ ակումբում խաղալը:
Ես երբեք ոչինչ չեմ խոստանում: Ես միշտ ասում եմ, որ կձգտեմ անել: Սա նոր մարտահրավեր է ինձ համար, ես սիրում եմ դժվարություններ: Ես սիրում եմ հաղթահարել դժվարություններ, քանի որ երբ դու հաղթահարում ես, դու դառնում ես ավելի ուժեղ:
Եթե անկեղծ լինենք, ապա ինձ համար նշանակություն չունի, թե որ դիրքում կխաղամ: Ես սիրում եմ հարձակվողի դիրքը, եզրային կիսապաշտպանի, հարձակողական կիսապաշտպանի: Այդ ամենը կախված է մարզիչի որոշումից»,- Հենրիխ Մխիթարյանի խոսքը մեջբերում է theguardian-ը:
Հիշեցնենք, որ 27-ամյա ֆուտբոլիստը պորտուգալացի գլխավոր մարզիչ Ժոզե Մոուրինյոյի նախաձեռնությամբ է Դորտմունդի «Բորուսիայից» տեղափոխվել «Մանչեսթեր Յունայթեդ»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։