Թոմաս Մյուլեր. Դորտմունդի «Բորուսիան» ձեռք է բերել հրաշալի խաղացողների
21:36 26 հուլիսի, 2016Դորտմունդի «Բորուսիան» ձեռք է բերել հրաշալի խաղացողների, եւ այժմ նրանք ֆավորիտ են, ասել է Մյունխենի «Բավարիայի» եւ Գերմանիայի հավաքականի կիսապաշտպան Թոմաս Մյուլերը՝ մեկնաբանելով Բունդեսլիգայում հիմնական մրցակցի տրանսֆերները:
«Նրանք շատ խնդիրներ ստեղծեցին մեզ համար անցած մրցաշրջանում: Այս ամռանը «Բորուսիա» են եկել հրաշալի ֆուտբոլիստներ, եւ նրանք Գերմանիայի չեմպիոնի տիտղոսի համար պայքարում ֆավորիտ են: Բայց նույնը կարելի է ասել մեր թիմի մասին: «Բավարիայի» համար մրցակցի ուժեղացումը խթանիչ է: Նրանց ուժեղացած կազմը մեզ կստիպի էլ ավելի մեծ եռանդով ձգտել հաղթանակի»,- Թոմաս Մյուլերի խոսքը մեջբերում է Bild-ը:
«Բորուսիայի» կազմը համալրել են Մարկ Բարտրան («Բարսելոնայից»), Անդրե Շյուրլեն («Վոլֆսբուրգից»), Ուսման Դեմբելեն («Ռենից»), Ռաֆայել Գերեյրոն («Լորյանից»), Մարիո Գյոտցեն («Բավարիայից»):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։