Դորտմունդի «Բորուսիայի» հարձակվող, 2015թ. Աֆրիկայի լավագույն ֆուտբոլիստ Պյեր-Էմերիկ Օբամեյանգը մեկնաբանել է Շանհայում տեղի ունեցած ընկերական խաղում անգլիական «Մանչեսթեր Յունայթեդի» նկատմամբ խոշոր հաշվով հաղթանակը:
«Մենք մեզ հրաշալի ենք զգում: Մարզումները վերսկսել ենք երեք շաբաթ առաջ, ամեն ինչ գերազանց է: Հրաշալի խաղ ստացվեց «Մանչեսթեր Յունայթեդի» դեմ: Միշտ է հաճելի հաղթել այդ կարգի մրցակցի: Մեր նորեկները ցուցադրեցին, թե ինչ արժեք ունեն: Խաղադաշտում հրաշալի ենք համագործակցում: Դա մարզիչի աշխատանքի շնորհիվ է»,- Օբամեյանգի խոսքը մեջբերում է Goal.com-ը:
Հիշեցնենք, որ «Բորուսիան» առավելության է հասել 4:1 հաշվով: «Մանչեսթեր Յունայթեդի» միակ գոլը խփել է դորտմունդցիների նախկին խաղացող Հենրիխ Մխիթարյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։