Հենրիխ Մխիթարյան. Բարդ է լինելու, բայց ձգտելու ենք տիտղոս նվաճել
20:03 20 հուլիսի, 2016Նախկին թիմի հետ ընկերական հանդիպումից առաջ անգլիական «Մանչեսթեր Յունայթեդի» նորեկ, Հայաստանի հավաքականի կիսապաշտպան Հենրիխ Մխիթարյանն ասել է, որ նոր մրցաշրջանում նպատակ է լինելու նվաճել տիտղոս: Հուլիսի 22-ին Ժոզե Մոուրինյոյի գլխավորած թիմը Շանհայում կխաղա Գերմանիայի փոխչեմպիոն Դորտմունդի «Բորուսիայի» հետ:
«Ես շատ ուրախ եմ լինել «Մանչեսթեր Յունայթեդում», որը մեծագույն ակումբներից մեկն է: Մենք անելու ենք ամեն ինչ, որպեսզի տիտղոս նվաճենք: Դա բարդ կլինի, բայց եկեք լավ պատրաստվենք, հետո կտեսնենք»,- 27-ամյա ֆուտբոլիստի խոսքը մեջբերում է ակումբի կայքը:
«Մանչեսթեր Յունայթեդն» առաջին տիտղոսը կարող է նվաճել արդեն օգոստոսի 7-ին: Անգլիայի Սուպերգավաթի խաղում գավաթակիր «Մանչեսթեր Յունայթեդը» կմրցի երկրի չեմպիոն «Լեսթեր Սիթիի» հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։