Գործակալ Ռայոլան Պոգբայի տրանսֆերի գումարից կստանա 20 տոկոս
12:48 19 հուլիսի, 2016Թուրինի «Յուվենտուսի» եւ Ֆրանսիայի հավաքականի կիսապաշտպան Պոլ Պոգբայի տրանսֆերի գումարից ֆուտբոլիստի իտալացի գործակալ Մինո Ռայոլան կստանա 20 տոկոս, հաղորդում է gazzetta.it-ը: Գործակալը Մանչեսթերում է եւ շարունակում է բանակցությունները «Մանչեսթեր Յունայթեդի» ղեկավարության հետ: Ռայոլան հույս ունի անգլիական ակումբից կորզել 125 միլիոն եվրո, սակայն իտալական ակումբն այդ գումարից կստանա 100 միլիոն եվրո, եթե իհարկե գործարքը տեղի ունենա:
Հիշեցնենք, որ Մինո Ռայոլան նաեւ Հայաստանի հավաքականի կիսապաշտպան Հենրիխ Մխիթարյանի եւ շվեդ հարձակվող Զլատան Իբրահիմովիչի գործակալն է: Երկու ֆուտբոլիստներն էլ արդեն պայմանագրեր են կնքել «Մանչեսթեր Յունայթեդի» հետ: Իբրահիմովիչը ՊՍԺ-ի հետ պայմանագրի ավարտից հետո ուներ ազատ գործակալի կարգավիճակ, իսկ Մխիթարյանի համար Դորտմունդի «Բորուսիան» ոչ պաշտոնական տվյալներով, ստացել է 42 միլիոն եվրո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։