Միշել Տեր-Զաքարյանի թիմը «Սանտյագո Բերնաբեուում» կխաղա «Ռեալի» հետ

00:40   17 հուլիսի, 2016

Հայտնի է դարձել Մադրիդի «Ռեալի» մրցակիցը Սանտյագո Բերնաբեուի գավաթի խաղում, գրում է AS-ը:

Օգոստոսի 16-ին Արքայական ակումբը կհանդիպի ֆրանսիական «Լիգա-2»-ի ներկայացուցիչ «Ռեյմսին», որը վերջերս գլխավորել էր Հայաստանի հավաքականի նախկին ֆուտբոլիստ Միշել Տեր-Զաքարյանը:

Սանտյագո Բերնաբեուի գավաթն ընկերական մրցաշար է, որը ստացել է «Ռեալի» լեգենդար նախագահի անունը: Այն կանոնավոր կերպով անցկացվում է 1979-ից՝ բացառությամբ 2004 թվականի: Նախորդ տարի «Ռեալը» 2:1 հաշվով հաղթել էր թուրքական «Գալաթասարային»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։