Rslsoapbox.com-ը «Ռեալ Սոլթ Լեյքի» հարձակվող Յուրա Մովսիսյանին ամենաբարձր գնահատականն է տվել «Մոնրեալ Իմփեքթի» դեմ MLS-ի կանոնավոր առաջնության նախորդ տուրի խաղում: 28-ամյա Մովսիսյանն իր ակումբակից Դեմար Ֆիլիպսի պես արժանացել է 7.5 միավորի (10 բալային համակարգով):
«Մովսիսյանը հրաժարվեց հանձնվել, երբ «Ռեալ Սոլթ Լեյքի» շանսերը մշուշոտ էին դարձել: Նրա ակտիվության շնորհիվ մրցակցի պաշտպանությունը հոգնեց եւ վրիպում թույլ տվեց վերջնամասում: Իսկ Յուրան էլ վստահորեն իրացրեց 11 մետրանոցը»,- գրում է կայքը:
Հիշեցնենք, որ հանդիպումն ավարտվել էր 1:1 հաշվով, իսկ «Ռեալ Սոլթ Լեյքի» պատասխան գոլը 79-րդ րոպեին 11 մետրանոցից խփել է Յուրա Մովսիսյանը: Հայ հարձակվողը մասնակցել էր ամբողջ խաղին եւ 7-րդ գոլը խփել MLS-ի ընթացիկ առաջնությունում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։