Տիգրան Մարտիրոսյանը զրկվել է մրցումների մասնակցելու իրավունքից
17:04 8 հուլիսի, 20162008թ. Պեկինի Օլիմպիական խաղերի դոպինգ թեստերի նմուշների կրկնակի հետազոտման արդյունքում, ծանրամարտի Հայաստանի հավաքականի անդամ Տիգրան Մարտիրոսյանի հանձնած նմուշի մեջ հայտնաբերվել է արգելված նյութ՝ ստանոզոլ, հաղորդում է Ծանրամարտի միջազգային ֆեդերացիայի պաշտոնական կայքը:
Պեկինի Օլիմպիական խաղերում Տիգրան Մարտիրոսյանը 69 կգ քաշային կարգում նվաճել էր բրոնզե մեդալ: Հայ մարզիկը ժամանակավորապես զրկվել է միջազգային մրցումների մասնակցելու իրավունքից, մինչեւ Միջազգային օլիմպիական կոմիտեի եւ միջազգային ֆեդերացիայի վերջնական որոշումը:
2010թ. աշխարհի չեմպիոնն ու Եվրոպայի եռակի չեմպիոն, 2016թ. Եվրոպայի փոխչեմպիոն Տիգրան Մարտիրոսյանն այժմ հանդես է գալիս 77 կգ քաշային կարգում եւ Ռիո-2016-ում կլիներ Հայաստանի հավաքականում մեդալի գլխավոր հավակնորդներից մեկը: Սակայն նա զրկվել է նաեւ օգոստոսի 5-ին մեկնարկելիք Օլիմպիական խաղերին մասնակցելու իրավունքից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։